تجنب كسرة الخاطر و لو حبل الزعل مشدود

من طرف **saeed20** الثلاثاء سبتمبر 21, 2010 1:44 pm

أنا ربتني الدنيا على بذل العطا والجود
ونفسي للوفا والطيب وفعل الخير جزامه

أرد الجود بامثاله واقابل باالجحود جحود

وترى لاخير في رجل يوطي للردى هامه

وانا عندي مع هل العليا مواثيق وثلاث عهود

اوفي له مطاليبه واوده وارفع اعلامه

ومن له بالزمن غايه ومن عنده هدف منشود؟

ومن منا قدر يعرف خفايا مقبل ايامه؟

لقينا باالعرب حاسد وشفنا باالعرب محسود

وبه ناس لنا ضامت وبه ناس منظامه

ولا ترجي بهاالدنيا من ربعك يجيك اسنود

ولا تشره على رجل عيونه خانت اقدامه

وقابل خطوه بخطوه وجازي باالصدود صدود

تناسى غلطتة الصاحب عليك بلحظة اخصامه

ولاتخطي ترى لصبر الحليم اليا سلاك حدود

تروى واعرف بضرب الحديد تفك لحامه

تجنب كسرة الخاطر و لو حبل الزعل مشدود

تراك بكسرة الخاطر حكمت القلب باعدامه

ولا تزعل على رجل بذل لك ولرضاك جهود

ولاتامن من الحاسد رضاه ورفعة إبهامه

نبي نصبر على الدنيا قلوب بالحياه زهود

مدام إن البخت عيت توفق رمعة سهامه

وانا ماقلتها راجي ولا اطلب بعدها مردود

ولكن الفتى وده يحقق جملة احلامه

طموحي يملي العالم ولابه للطموح قيود

مدام إن الأمل طبعي عرين وصرت ضرغامه

خلقنا الله من ترابه ولأحضان الثرى نعود

تحت رمل الثرى نبقى تغطي جسمنا خامه

ولو طال العمر فاني وترى عمر الفتى محدود

وكل يطلب المولى يبيحه ويحسن ختامه

وانابلغت بلساني وربي والأنام شهود

وصحف البينه جفت وعنها رفعت اقلامه