قاطع اخته عامين فارسلت له خاطره مبكيه

من طرف **saeed20** الثلاثاء سبتمبر 21, 2010 2:00 pm

قاطع اخته عامين فارسلت له قصيده مبكيه

¤¤¤¤¤¤ ¤¤¤¤¤¤
جتني رسالةمن صدى خافق الروح
وقريتهاباحساس قلبي وروحي

قريتها وانهدت قصور وصروح
ونا من اول عالياتن صروحي

تشكي تقول القلب ياحمود مجروح
تدري اني غايراتن جروحي

تهل دمعي وترفع الصوت بالنوح
واللي فقد غاليه لازم ينوحي

ماكلمتني يمكن الصوت مبحوح
من النوح ولامااستطاعت تبوحي

جتني رسالتهابها دموع وجروح
وانهد باسباب الرسالة طموحي

تقول ياحمود الزمن صار مفظوح
والشيب فيني لو تشوفه يلوحي

يابو علي مالي بالأغراب مصلوح
مادام قلب اللي نحبه شحوحي

ودي بشوفك دام الاعمار بفسوح
قبل الرحم ياخوي منا يروحي

زل الزمان الي به أفراح ومزوح
أنخاك تكفى لاتظنه مزوحي

وبعد الرسالة صار بالقلب ذابوح
طار المنام وصار فكري يشوحي

أختي رسالتها لها القلب مفتوح
كلي لها والقلب ينصت ويوحي

أقولها ودموع عيني لها فوح
وسط المحاجر دمع عيني يفوحي

أجاوب الورقا على عالي الفوح
وأنوح من فرقا الرفيق السموحي

والله لو اني وسط الاطباق مذبوح
لاظهر كما خطو الحصان الجموحي

واقول ياعين المها مابها شروح
لوتطلبين الروح تفداك روحي

(انشاءالله تنال رضاكم)